1: Suno Larki...
Abhi Tum Ishq Mat Karna,
Abhi Guriya Se Khelo Tum,
Tumhari Umer Hi Kya Hai,
Faqat Satra Baras Ki Ho,
Abhi Masoom Bachi Ho,
Nahi Maloom Abhi Tum Ko,
K Jab Ye Ishq Hota Hai,
To Insan Kitna Rota Hai,
K Jab Sathi Bicharte Hain,
To Kitna Dard Hota Hai,
Sitary Toot Jate Hain,
Sahary Choot Jate Hain,
Abhi Tum Ne Nahi Dekha,
Wo Awazein Satati Hain,
Meri Nazmain Nahi Parhna,
Ye Mehshar Tak Utha Dengi,
Tumhain Pagal Bana Dengi,
Likhai Pakri Jati Hai,
Bari Ruswai Hoti Hai,
Kisi Ko Phone Mat Dena,
Sadaen Dil Dukhati Hain...
██████████████████████████████
"Muddat Hui Hai Yar Ko Mehmaan Kiye Hue"
Muddat Hui Hai Yar Ko Mehmaan Kiye Hue
Dil Zid Pe Arh Gaya Wohi Armaan Liye Hue
Dil Mera Shikasta Hai Teri Baaton Se Phir Se
Is Raaz Ko Kehna Hai Yehi Raaz Liye Hue
Manind Bahar Hum Ne Guzara Hai Tera Sath
Ab Kaanton Pe Chalna Hai Wohi Gulzar Liye Hue
Us Lamha Qayamat Si Guzar Jati Hai Dil Pe
Us Raah Pe Thehrun Jab Wohi Maat Liye Hue
Sajdon Se Na Aahon Se Na Koshish Se Tu Hasil
Phir Tujh Ko Manana Hai Teri Baat Liye Hue
Jeeny Ki Wajah De Ya Marny Ka Bahana De
Is Aas Main Thehra Hun Yehi Aas Liye Hue
Anjum Ki Ye Fitrat Hai Kabhi Haar Na Many
Phir Fatah Ko Paana Hai Wohi Maat Liye Hue...
██████████████████████████████
"Koi To Ho Jo Aa K Sambhale Mujh Ko"
Apni Palkon Pe Apne Dil Main Basa Le Mujh Ko
Reza Reza Hai Meri Zaat Koi Ekatha Kar De
Apne Hathon Se Koi Phir Se Sanwary Mujh Ko....
██████████████████████████████
"Bichar Kar Tujh Se Zinda Hun Meri Taqdeer To Dekh"
Bichar Kar Tujh Se Zinda Hun Meri Taqdeer To Dekh
Kabhi Aa Kar Mere Halaat ki Tasveer To Dekh
Mujhe Mehfil Main Dekha To Kaha Us ne Raqeebon Se
Mera Aashiq, Mera Pagal, Mera Dilgeer To Dekh
Teri Tasveer k Peechy Hain Jaalay Be-Wafai K
Ulat Kar Tu Zara Apni Kabhi Tasveer To Dekho
De Kar Pyar Ki Daulat Khareedy Khoon k Aansoo
Mili Jo Ishq Main Hum Ko Zara Jageer To Dekho
Likha Hai Naam Mera Sharaarat Hai Raqeebon Ki
Ye Khatt Mera Nahi Jaana Zara Tehreer To Dekh...
██████████████████████████████
"Muhabbat Ki Tamana Hai To Phir Wo Wasf Paida Kr"
Muhabbat Ki Tamana Hai To Phir Wo Wasf Paida Kr
Jahan Se Ishq Chalta Hai Wahan Tak Naam Paida Kr...
██████████████████████████████
"Baat Nikle Gi To Phir Door Talak Jaegi"
Baat Nikle Gi To Phir Door Talak Jaegi
Log Be-Waja Udaasi Ka Sabab Puchen Ge
Ye Bhi Puchen Ge K Tum Itni Preshan Kiun Ho
Ungliyan Uthen Gi Sookhy Hue Baalon Ki Taraf
Ek Nazar Dekhen Ge Guzry Hue Saalon Ki Taraf
Chooriyon Par Bhi Kayi Tanz Kiye Jaenge
Kanpty Hathon Pe Fikry Bhi Kassy Jaenge
Log Zalim Hain Her Ek Baat Ka Tana Denge
Baaton Baaton Me Mera Zikr Bhi Le Kar Aenge
Un Ki Baaton Ka Zara Sa Bhi Asar Mat Lena
Warna Chehry K Ta'asur Se Samajh Jaenge
Chahe Kuch Bhi Ho Sawalaat Na Karna Un Se
Mere Bary Me Koi Baat Na Karna Un Se
Baat Nikle Gi To Phir Door Talak Jaegi...
██████████████████████████████
"Is Baar Phir Se Di Jo Mohlat Nayi Si Hai"
Is Baar Phir Se Di Jo Mohlat Nayi Si Hai
Ye Zindgi Ki Mujh Pe Inayat Nayi Si Hai
Khush Bakhtiyan Meri Jo Dastak Di Khushi Ne
Is Lamha Mili Mujh Ko Ye Rahat Nayi Si Hai
Wo Ranj-o-Fikr, Gham K Zamany Guzar Gaye
Ab Hum Pe Zamany Ki, Inayat Nayi Si Hai
Her Soo Fiza Me Raqs Ka Manzar Hai Phaila
Rangeeniyon Se Rut Ki Ye Raghbat Nayi Si HaI...
██████████████████████████████
"Main Manta Hun Mujhse Khata Ho Gai Magar"
Main Manta Hun Mujhse Khata Ho Gai Magar
Us Ne Bhi Mujh Ko Maaf Na Kar K Ghalat Kiya
Uska Bichar K Jana Meri Maut Ban Gaya
ilzaam Mujh Pe De Gaya Mar K Ghalat Kiya
Uska Koi Qasoor Nahi Ajnabi Tha Wo
Chahat Me Uski Mene Utar K Ghalat Kiya
Wo Keh Raha Tha Door Teri Dastaras Se Hun
Mene Hi Aitemaad Na Kar K Ghalat Kiya
Ab Tak Samajh Raha Tha Mohabbat Hai Bandagi
Ab Mujh Ko Lag Raha Hai K Kar K Ghalat Kiya
Dekha Usy To Phir Se Khalish Dil Main Uth Gai
Mazher Gali Se Uski Guzar K Ghalat Kiya...
██████████████████████████████
"Shaam Ko Yoon Teri Palkon Ka Larazty Rehna"
Shaam Ko Yoon Teri Palkon Ka Larazty Rehna
Doob Jaye Jo Ye Manzar To Barasty Rehna
Me Agar Toot Bhi Jaun to Aaina Hun
Tum Mere Baad Bhi Her Roz Sanwarty Rehna
Us Ki Aadat Wohi Har Baat Adhoori Krna
Aur Phir Baat Ka Mafhoom Badalty Rehna
Aaj Se SeeKh Lia Hai Ye Qareena Hum Ne
Bujh Bhi Jana To Bari Dair Sulagty Rehna
Jane Kis Umar Me Jaye Gi Ye Aadat Apni
Roothna Us Se To Auron Se Ulajhty Rehna...
██████████████████████████████
"Wo Darjan Bhar Maheeno Se"
Wo Darjan Bhar Maheeno Se
Zara Mumtaz Lagta Hai
December Kis Liye Akhir
Hamesha Khas Lagta Hai
Bohat Sehmi Hui Subhein
Udaasi Se Bhari Shamein
Dopehrein Roi Roi Si
Wo Ratein Khoi Khoi Si
Garam Dabeez Shawlon Ka
Wo Kam Roshan Ujaalon Ka
Kabhi Guzry Hawalon Ka
Kabhi Mushkil Sawalon Ka
Bichar Jane Ki Mayoosi
Milan Ki Aas Lagta Hai
December Kis Liye Akhir
Hamesha Khas Lagta Hai...
██████████████████████████████
" Bichar Kar Tujh Se Zinda Hun Meri Taqdeer To Dekh"
Bichar Kar Tujh Se Zinda Hun Meri Taqdeer To Dekh
Kabhi Aa Kar Mere Halaat ki Tasveer To Dekh
Mujhe Mehfil Main Dekha To Kaha Us ne Raqeebon Se
Mera Aashiq, Mera Pagal, Mera Dilgeer To Dekh
Teri Tasveer k Peechy Hain Jaalay Be-Wafai K
Ulat Kar Tu Zara Apni Kabhi Tasveer To Dekho
De Kar Pyar Ki Daulat Khareedy Khoon k Aansoo
Mili Jo Ishq Main Hum Ko Zara Jageer To Dekho
Likha Hai Naam Mera Sharaarat Hai Raqeebon Ki
Ye Khatt Mera Nahi Jaana Zara Tehreer To Dekh...
██████████████████████████████
"Seenay Se Is Tarha Ye Dil-e-Natwan Gaya"
Seenay Se Is Tarha Ye Dil-e-Natwan Gaya
Hum Sub Se Poochte Rahe Aakhir Kahan Gaya
Dil Ka Safar Hai Aur, Ye Qadmon Ki Chaal Aur
Hum Ho K Aa Gaye To Wahan Kaarwan Gaya
Aisi Pari Wo Mujh Pe Ebadat-Shikan Nigaah
Sajda Gaya, Namaz Gai, Aastan Gaya
Jangal Main Is Tarha Ki Udaasi Kabhi Na Thi
Aye Kaarwan Theher, Mera Sathi Kahan Gaya
Sab Mujh Ko Sun Rahe The Bare Inhamaak Se
Boli Wo Aankh Kya, Mera Zor-e-Bayan Gaya
Rashid Wo Aik Shakhs Tha Duniya Mere Liye
Wo Kya Gaya K Sara Rang-e-Jaahan Gaya...
██████████████████████████████
"Goongi Ho Gai Aaj Kuch Zaban Kehte Kehte"
Goongi Ho Gai Aaj Kuch Zaban Kehte Kehte
Hich-Kicha Gaya Main Khud Ko Musalman Kehte Kehte
Ye Bat Nahi K Mujh Ko Rab Par Yakeen Nahi
Bus Dar Gaya Khud Ko Sahib-e-Emaan Kehte Kehte
Tofeeq Na Hui Mujhe Ek Waqt Ki Namaz Ki
Aur Chup Hua Muazzan Azaan Kehte Kehte
Kisi Kafir Ne Jo Pucha K Ye Kya Hai Maheena
Sharm Se Pani Hath Se Gir Gaya Ramzan Kehte Kehte
Meri Almari Main Gard Se Atti Kitaab Ka Jo Pucha
Main Garh Gaya Zameen Main Quran Kehte Kehte
Ye Sun K Chup Saadh Li IQBAL Us Ne
Yun Laga Jese Ruk Gaya Wo Mujhe Hewaan Kehte Kehte...
██████████████████████████████
"Murawat Me Kaha Hai Us Ko Mene Laut Ana Hai"
Murawat Me Kaha Hai Us Ko Mene Laut Ana Hai
Pata Us Ko Bhi Hai Mene Usy Ab Chor Jana Hai
Nazar K Samny Aao Zaruri Nahi Jana
Kia Hai Faisla Dil Ne Tumhe Khud Me Basana Hai
Kadi Hai Is Qadar Manzil Atty Hain Dhool Me Raste
Nahi Pehchan Raston Ki Magar Chalte Hi Jana Hai
Khara Hai Mere Aangan Me Hua Hai Khushk Ye Kab Ka
Purana Paidd Hai Garche Nahi Us Ko Girana Hai
Nahi Tinush Ki Manzil Safeena Jo Theher Jaye
Samandar Me Utar Kar Hi Usy Maqsood Pana Hai...
Comments
Post a Comment